PAGKATAPOS NG HIRAP, KASAYAHAN NAMAN! - Dahil sa ipinakitang pagsasama-sama at pakikiisa ng buong Barangay San Cristobal sa nakaraang isang linggong pagdiriwang ng kapistahan ay napagkaisahan ng pamunuan na magsaya at mag-picnic sa magandang Bato Spring Resort na matatagpuan sa naturang barangay.
Higit na napagbuklod at napagkaisa ni Barangay Chairman Benjamin "Benbong" Felismino at ng kanyang may-bahay Shirley Aningalan Felismino ang mga mamamayan ng Barangay San Cristobal, ika nga ni Chairman Benbong: "Sa Hirap at Ginhawa, Brgy. San Cristobal, Kayang-kaya natin ito kapag tayo'y sama-sama at nagkakaisa. (SANDY BELARMINO/Vice President, Seven Lakes Press Corps/TV Host- DYARYO SA TELEBISYON/Telmarc 21 and Celestron 10/Reporter-Columnist Laguna Courier, Wed. Herald and Southern Tagalog Herald)
Dahil sa pagmamahal sa nakagisnang tradisyon ay pinanatiling buhay ng mga taga-Barangay San Cristobal ang larong "Juego de Janiero". Ang larong ito ay ang kumpetisyon ng mga "hinetero" na habang sakay sa isang rumaragasang kabayo ay saka tutuhugin ang mga maliliit na singsing na nakabitin sa isang sampayan. Ang bawat matuhog na singsing ay may kaukulang premyo o gantimpalang nakalaan. Ginanap ang naturang palaro kaalinsabay ng pagdiriwang ng isang linggong pagpaparangal para sa kapistahan ng Patrong San Cristobal. (SANDY BELARMINO)
